Шэсць паромаў не даюць рады патоку расійскіх турыстаў, што кіруюцца на паўвостраў. Чарга з боку Кубані вырасла да 2000—3000 аўтамабіляў. Людзі на сонцы чакаюць сваёй чаргі на перавозку 30—40 гадзін, паведамляюць мясцовыя рэсурсы.

Большасць падарожнікаў вымушана аб'язджаць Украіну ў сувязі з ваеннымі дзеяннямі ў Данбасе. У той жа час тэхнічныя магчымасці паромаў, што курсіруюць з Керчы ў Краснадарскі край Расіі, абмежаваныя.