Паводле паведамленняў газеты Daily Mail, жыхарка Лондана стала першым у Брытаніі уладальнікам кланаванага сабакі.
Міні-Віні на фота, здаецца, злева, фота Daily Mail.
Міні-Віні на фота, здаецца, злева, фота Daily Mail.
Такса па мянушцы Міні-Віні атрымала генетычны код ад 12-гадовага сабакі Віні, які таксама жыве ў доме Рэбекі Сміт, і быў кланаваны ў Паўднёвай Карэі.
Кланаванне сабакі каштавала 90 тысяч даляраў, аднак Сміт гэта не каштавала нічога, так як яна стала пераможцай конкурсу.
«Яны настолькі падобныя, што спяць аднолькавую колькасць гадзін і адначасова ўстаюць раніцай», — кажа гаспадыня кланаванага сабакі. Некалькі месяцаў таму навукоўцы ўзялі часцінкі скуры ў Віні, пасля чаго стварылі генетычна падобны эмбрыён.
У Брытанію з Паўднёвай Карэі Міні-Віні даставілі толькі праз пяць месяцаў пасля нараджэння.
