У Драгічынскім раёне 26 жніўня ў ДТЗ пацярпела аўтамабілістка і дзяўчынка-пасажыр.
Як паведаміла інспектар аддзялення па агітацыі і прапагандзе ДАІ УУС Брэсцкага аблвыканкама Наталля Архіпава, на другім кіламетры аўтадарогі Драгічын — Радастава 19-гадовая жыхарка вёскі Вулька Папінская, якая знаходзілася за рулём аўтамабіля «Фальксваген-Пасат», рухаючыся па пад'язной аўтадарозе да вадасховішча, не справілася з кіраваннем і з'ехала ў левы па ходзе руху кювет, дзе наехала на прыдарожнае дрэва.
Кіроўца атрымала закрыты пералом касцей правай галёнкі, 11-гадовая пасажыр-аднавяскоўка — закрытую чэрапна-мазгавую траўму, закрыты пералом носа, траўму верхняй сківіцы.
Абедзве шпіталяваны ў Драгічынскую цэнтральную раённую бальніцу.
Па факце ДТЗ праводзіцца праверка.
З пачатку года ў Брэсцкай вобласці з удзелам дзяцей зарэгістравана 42 ДТЗ, у якіх трое дзяцей загінулі і 41 атрымаў траўмы рознай ступені цяжкасці.
