ДАІ Гродна склала 11 пратаколаў на ўдзельнікаў вясельнага картэжу. Пра гэта паведамілі ў ДАІ УУС Гродзенскага аблвыканкама.
«Сёння ў поле зроку супрацоўнікаў ДАІ трапіла калона ўпрыгожаных у гонар урачыстасці аўтамабіляў. З машыны, якая ехала на чале картэжу, быў зняты пярэдні рэгістрацыйны знак, машына, што замыкала, рухалася такім чынам, што ні справа, ні злева апярэдзіць яе не ўяўлялася магчымым. У двух уседарожніках пасажыры высунуліся ў аконныя праёмы», — сказалі ў ДАІ.
Пасля прыпынку высветлілася, што двое кіроўцаў не мелі пры сабе дакументаў на права кіравання. Адзін аўтамабіль апынуўся незарэгістраваным ў ДАІ. Акрамя таго, у аўтамабіляў шыбы былі прыцемненымі звыш нормы. «Аднаму кіроўцу выдадзены загад на растаніроўку, а яшчэ аднаму прыйдзецца заплаціць штраф за тое, што не зрабіў яе своечасова. Акульным лікам за дапушчаныя парушэнні складзена 11 пратаколаў», — адзначылі ў Дзяржаўтаінспекцыі.
У ДАІ папярэдзілі, што дапускаць нібыта бяскрыўдныя вольнасці, прычыняць нязручнасці навакольным, а тым больш з выклікам паводзіць сябе на дарозе нікому не дазволена, нават тым, хто святкуе гэтак значную падзею — стварэнне новай сям'і.
