Большасьць грамадзян Вэнэсуэлы прагаласавалі супраць канстытуцыйнай рэформы прэзыдэнта краіны Уга Чавэса, што мусіла значна пашырыць прэзыдэнцкія паўнамоцтвы.
Большасьць грамадзян Вэнэсуэлы прагаласавалі супраць канстытуцыйнай рэформы прэзыдэнта краіны Уга Чавэса, што мусіла значна пашырыць прэзыдэнцкія паўнамоцтвы. Паводле зьвестак Нацыянальнай выбарчай рады Вэнэсуэлы пасьля падліку 90 % бюлетэняў, 50,7 % вэнэсуэльцаў не падтрымалі адпаведныя папраўкі ў канстытуцыю Вэнэсуэлы.
У нядзелю, 2 сьнежня, у Вэнэсуэле адбыўся рэфэрэндум, падчас якога грамадзяне краіны выразілі сваё стаўленьне да зьменаў канстытуцыі, прапаноўваных прэзыдэнтам Чавэсам. У прыватнасьці, прапанову адмяніць абмежаваньне на колькасьць тэрмінаў аднаго чалавека на пасадзе прэзыдэнта, падтрымалі 49,29 % удзельнікаў. Наагул прэзыдэнт прапанаваў унесьці ў канстытуцыю краіны 33 зьмены.
Сярод іншага, меркавалася аддаць пад кантроль прэзыдэнта цэнтральны банк, стварыць новыя правінцыі, якія мусілі падначальвацца цэнтру, і зьменшыць правы мясцовага самакіраваньня.
Чавэс таксама прапанаваў скараціць працоўны дзень да шасьці гадзін і абвесьціць 16 гадоў узростам, які дае права на ўдзел у выбарах.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ9
Каментары