На сайце газэты "Паіс" зьявіўся тэкст інтэрвію з Аляксандрам Лукашэнкам. Знаўцы гішпанскай могуць зьвярнуцца непасрэдна да арыгіналу.
Агенцыя БЕЛТА сёньня дала ў пераказе пару фрагмэнтаў.
Але ці ня самы інтрыгоўны момант падаюць "Беларускія навіны": Лукашэнка заявіў, што гатовы разгледзець пытаньне аб памілаваньні Казуліна, калі той яго папросіць.
"Суд прыняў рашэньне. Гэта незалежная галіна ўлады. Я паважаю ягонае рашэньне. Адзінае, што я магу зрабіць, гэта памілаваць яго. Калі асуджаны пра гэта папросіць, я вывучу ягонае прашэньне і пасьля скажу, ці вызваляю яго", — цытуе Лукашэнку інтэрнэт-выданьне.
Цяжка прагназаваць, якое было б рашэньне ў такім выпадку. Але яшчэ цяжэй уявіць, што Казулін напіша такую паперу.
ЗЫ. У інтэрвію закрануты многія тэмы — ад разьмяшчэньня "Іскандэраў" да пытаньня распаўсюду незалежнай прэсы.
Але гэта — тэма для асобнага аналізу.