У ноч з 3 на 4 жніўня ў бальніцу хуткай медыцынскай дапамогі Мінска трапілі пяць маладых мужчын, якія атруціліся грыбамі. Яны сумесна ўжывалі грыбы, паведаміў урач-рэаніматолаг аддзялення таксікалогіі бальніцы Аркадзь Касцюкевіч 4 верасня на прэс-канферэнцыі ў Мінску.
Усе пяць чалавек знаходзяцца ў стабільна цяжкім стане без памяці. Мяркуецца, яны атруціліся грыбамі з роду мухамораў, сказаў Касцюкевіч.
Паводле яго слоў, у Мінску назіраецца «ўстойлівая тэндэнцыя змяншэння ліку выпадкаў атручэння грыбамі». Усяго ў бальніцы хуткай медыцынскай дапамогі ў 2014 годзе праходзілі лячэнне больш за 50 чалавек, якія атруціліся грыбамі.
Урач адзначыў, што большасць выпадкаў атручэння выкліканыя ўжываннем не атрутных, а ўмоўна атрутных ці нават ядомых грыбоў. Атручэнні здараюцца з-за няправільнага захоўвання і парушэння тэхналогіі гатавання грыбоў.
Апошні выпадак атручэння атрутнымі грыбамі быў у Мінску ў 2009 годзе, калі, як мяркуюць, бледнай паганкай атруціліся два чалавека, яшчэ пяць — грыбам свінухай (кабылка).
Урач адзначыў, што грыбы з'яўляюцца вельмі цяжкай ежай, якую наогул нельга ўжываць дзецям да 12 гадоў і тым, каму больш за 60. Грыбы выклікаюць абвастрэнне хранічных і ўзнікненне вострых захворванняў страўнікава-кішэчнага тракту. Гэта выражаецца расстройствам стрававання (рвота, млоснасць, дыярэя).
Урач заклікаў у выпадку з'яўлення падобных сімптомаў пасля ўжывання грыбоў адразу прамыць страўнік, а затым звярнуцца па медыцынскую дапамогу.
Неабходна збіраць заведама ядомыя грыбы, якія не выклікаюць сумнення, сказаў ён. Грыбы — прадукт хуткапсавальны, таму іх трэба перабіраць і сартаваць адразу. Не рэкамендуецца купляць грыбы па-за рынкамі, не адсартаваныя па відавым складзе.
