 |
У Горадні вырашылі адмовіцца ад працы з пацыентамі па талёнах.
Зараз чалавеку дастаткова набраць нумар тэлефона медустановы і заказаць зручны для сябе час наведвання ўрача.
У 1 паліклініцы Гродна нешматлюдна. Але гэта не азначае, што звяртацца па медыцынскую дапамогу сталі менш. За змену каля 1000 зваротаў. Проста праца з пацыентам стала адраснай. Тут вырашылі цалкам адмовіцца ад талонаў прыёму да ўрача. Уся планавая медыцынская дапамога аказваецца па папярэднім запісе па тэлефоне. Чалавеку дастаткова набраць нумар тэлефона паліклінікі, і рэгістратар падкажа зручны час прыёму. Звесткі аб пацыенце ўнясуць у спецыяльныя лісты запісу і падрыхтуюць карту.
Запісацца па тэлефоне на прыём да ўрача можна не толькі на заўтрашні дзень, але і на тыдзень наперад, прычым адразу да некалькіх спецыялістаў. Людзі ўспамінаюць, што раней была цэлая барацьба за талоны, прычым з самай раніцы, а некаторыя і зусім пазбягалі паходаў у паліклініку з‑за чэргаў.
У паліклініцы адзначаюць, што эксперымент з адсутнасцю талонаў і запісам па тэлефоне — гэта дадатковая нагрузка на рэгістратараў. Калі раней у іх працы паўзаў было дастаткова, то зараз такіх няма.
Услед за першай паліклінікай на такую сістэму ў наступным годзе пяройдуць і астатнія медустановы горада.
