Пасля больш чым дваццаці гадоў працы рэктар-заснавальнік Еўрапейскага гуманітарнага ўніверсітэта (ЕГУ) акадэмік Анатоль Арсеньевіч Міхайлаў прыняў прапанову заняць новаствораную пасаду прэзідэнта ўніверсітэта, паведамляе прэс-служба ўніверсітэта.
«Анатоль Міхайлаў — выбітны дзеяч у галіне адукацыі, чыя роля як кіраўніка была ключавой і ў справе стварэння ЕГУ ў Мінску, і потым для яго аднаўлення ў выгнанні пасля гвалтоўнага закрыцця беларускімі ўладамі. Я рады, што зараз ён працягне сваё шчыльнае супрацоўніцтва з універсітэтам як старэйшы дарадца і выкладчык», – заявіў прафесар Дэніэл Таршыс, старшыня Кіраўнічай рады ЕГУ.
Прэс-служба дадае, што хутка будзе абвешчаны конкурс на заняццё пасады рэктара.
Да моманту, пакуль пераемнік акад. Міхайлава не зойме пасаду, часова выконваць абавязкі рэктара будзе праф. Дэвід Полік.
Лукашэнку стала дрэнна на саміце ШАС у Казахстане — Дождь7
Каментары