Узбуджаная крымінальная справа па факце зьбіцьця журналіста «Комсомольской правды в Белоруссии» Алега Улевіча

Пра гэта гаворыцца ў афіцыйным лісце, які БАЖ атрымала ад кіраўніка ГУУС Мінгарвыканкама генерал-маёра міліцыі А.Куляшова. У пасланьні, якое арганізацыя атрымала ў канцы мінулага тыдня, гаворыцца, што па даручэнні міністра ўнутраных спраў Уладзіміра Навумава ГУУС Мінгарвыканкаму правяло праверку па звароце БАЖ, і 31 сакавіка Маскоўскі РУУС узбудзіў крымінальную справу па ч.1 арт. 149 КК РБ. Цялесныя пашкоджаньні, нанесеныя А. Улевічу, кваліфікаваныя як “менш цяжкія” (“па працягласьці разладу здароўя”). Кіраўнік ГУУС А. Куляшоў абяцае паінфармаваць БАЖ дадаткова, калі будзе высьветленная асоба, што зьдзейсьніла супрацьпраўныя дзеяньні ў дачыненьні да А. Улевіча.