Заняткі будуць праходзіць у Мінску ад пачатку лістапада да мая два разы на месяц, найхутчэй у суботу. У праграме — практычныя заняткі, лекцыі і майстар-класы. Наведнікам з рэгіёнаў — спрыянне з даездам. Навучанне ў Школе бясплатнае, група — 15-20 чалавек, выкладанне будзе весціся па-беларуску.
Школа дзейнічае як нефармальны адукацыйны праект, сертыфікат аб яе заканчэнні не замяняе дыплома афіцыйных навучальных устаноў.
Тэорыю літаратуры, чытанне замежнай і беларускай літаратуры будзе выкладаць дацэнт кафедры замежнай літаратуры філфака БДУ Ганна Бутырчык. Практычныя заняткі па прозе ў Школе будуць весці пісьменніцы Наталка Бабіна і Людміла Рублеўская.
Умовы для кандыдатаў:
Узрост — да 25 гадоў.
Для падачы заяўкі кандыдату на залічэнне ў Школу неабходна даслаць свой уласны празаічны мастацкі тэкст любога жанру аб’ёмам 2-5 старонак, а таксама матывацыйны ліст з адказам на пытанне, чаму вы хочаце вучыцца ў пісьменніцкай школе.
Афармленне заяўкі:
Заяўкі прымаюцца па электроннай пошце да 26 кастрычніка па адрасе [email protected].
Тэму ліста трэба пазначыць як «Школа».
Прозу і матывацыйны ліст, пішуць арганізатары, трэба дасылаць разам у адным файле Word фармата.doc. На першай старонцы кандыдат мусіць пазначыць сваё імя і прозвішча, поўны паштовы адрас, дату нараджэння, e-mail і кантактны нумар тэлефона.
Пры паспяховым залічэнні ў Школу кандыдатам будзе паведамлена пра гэта да пачатку заняткаў па кантактах, якія Вы пакінулі. Заяўкі не рэцэнзуюцца.
