За выкананне «хіта пра Пуціна» на «Барысаў-арэне» затрыманыя дзясяткі беларускіх і ўкраінскіх заўзятараў
У Барысаўскім раённым судзе канвеерам судзяць футбольных фанатаў, затрыманых перад матчам Беларусь—Украіна ў Барысаве і пасля яго.
Некаторых затрымалі яшчэ ў Мінску, па дарозе на гульню.
Пра гэта паведамляе Мар'яна Калініна, дзяўчына беларуса Арцёма Бабоўнікава, якога таксама затрымалі на выхадзе са стадыёна будуць судзіць за шалік з беларускай сімволікай.
У судзе прысутнічае ўкраінскі консул.
Паводле звестак міліцыі, было затрымана 42 асобы. У асяродку футбольных фанатаў называлі лічбу больш за 130 затрыманых.
Як паведамляла карэспандэнтка «Нашай Нівы» з месцы падзей, частку затрыманых адпускалі без складання пратаколаў. Гэтым можа тлумачыцца разыходжанне ў лічбах.
Паводле інфармацыі Football.ua, украінскіх заўзятараў затрымлівалі ў Барысаве пасля матча зборнай нібыта за нецэнзурную лаянку.
Насамрэч, мяркуецца, што яны затрыманыя за выкананне «хіта пра Пуціна».
Разам з тым як паведамляе карэспандэнт «Нашай Нівы», па сведчанні беларускіх фанатаў, затрымана больш за 30 беларусаў.
Так, Арцёма Бабоўнікава забралі за паленне фаера, факт затрымання бачыла і зняла на камеру карэспандэнтка «Нашай Нівы». Тады яе таксама затрымалі і вымусілі выдаліць кадры. Бабоўнікава даставілі ў Барысаўскі РАУС.
Затрымалі Уладзя Лобаха з Мазыра, які быў у бел-чырвона-белым шаліку, ён і паведаміў, што з ім у аўтазаку 30 чалавек.
Ёсць інфармацыя, што дзвюх дзяўчат-беларусак затрымалі за ўкраінскую сімволіку.
Цяпер чытаюць
«Мне сорамна, але я нават не памятаю». Сталі вядомыя новыя падрабязнасці з працэсу здымак эмігрантаў для кіно на БТ10
Каментары