Відэаролік, на якім Крым быў паказаны ў складзе Расіі, быў выдалены з акаўнта FIFA ў Youtube. У роліку была паказана прэзентацыя лагатыпа чэмпіянату свету 2018 года ў выглядзе праекцыі на будынку Вялікага тэатра ў Маскве.
Украінскі бок афіцыйна не адрэагаваў на гэты відэаролік, аднак былы кіраўнік аргкамітэту турніру УЕФА Еўра-2012 ва Украіне Маркіян Лубкіўскі ўжо напісаў у сваім фэйсбуку пост, у якім заклікаў Міністэрства спорту і Федэрацыю футбола Украіны выказаць пратэст.
Чэмпіянат свету па футболе пройдзе ў Расіі ў 2018 годзе. Варта адзначыць, што некаторыя заходнія і ўкраінскія палітыкі раней заклікалі ФІФА пазбавіць Расію права правядзення чэмпіянату свету па футболе з-за сітуацыі ва Украіне.
0
0
0
0
0
0
