«Не трэба палохаць людзей, што заўтра будзе дэвальвацыя», — заявіў першы віцэ-прэм'ер Беларусі Уладзімір Сямашка, адказваючы 31 кастрычніка ў Мінску на пытанні журналістаў.
Паводле яго слоў, «любая валюта дэвальвуецца, нават самая моцная». У Беларусі, дадаў Сямашка, таксама ідзе дэвальвацыя, але «плаўная». «Паколькі мы — краіна з адкрытай эканомікай і для нас самае галоўнае экспарт. А галоўны сімвал для экспарцёраў — каб нацыянальная валюта крыху наперадзе асноўных валют дэвальвавалася», — патлумачыў першы віцэ-прэм'ер.
Сямашка нагадаў, што курс беларускага рубля прывязаны да кошыка з трох валют: «Мы ж фарміруем свой курс зыходзячы з адносін да долара, еўра і расійскага рубля».
0
0
0
0
0
0