Жорсткія баі за аэрапорт Данецка, дзе абараняюцца ўкраінскія жаўнеры, сталі сімвалам правалу спробаў дамовіцца з расійскімі баевікамі.
Вырашэнне ўсіх самых складаных пытанняў нацыянальнай бяспекі ЗША ў ХХІ ст. залежыць ад таго, ці дапамогуць Штаты Украіне абараніцца ад расійскай агрэсіі, заявіў былы вярхоўны галоўнакамандуючы войскаў Арганізацыі Паўночна-атлантычнай дамовы Уэслі Кларк.
Прэзідэнт РФ Уладзімір Пуцін імкнецца не толькі знішчыць ці паслабіць украінскую незалежнасць, ён спрабуе дэманстраваць ўсёй Усходняй Еўропе і свету няздольнасць НАТА абараніць сваіх партнёраў.
«Калі вы паглядзіце на выклікі, якія стаяць перад ЗША, ніводны з іх не можа быць эфектыўна вырашаны, калі ў нас не будзе па-сапраўднаму шчыльных сувяхяў з краінамі, якія найбольш падзяляюць нашы каштоўнасці… Нам патрэбная сувязь з Еўропай, каб даць рады ўзмацненню Кітая, каб эфектыўна гарантаваць кібербяспеку, стабілізаваць фінансавую сістэму», — адзначыў 69-гадовы Кларк, які ў 2004 годзе разглядаўся ў якасці магчымага кандыдата на пасаду прэзідэнта краіны ад Дэмакратычнай партыі.
«Калі мы згубім Украіну, сітуацыя ў НАТА вельмі цяжкай», - дадаў ён падчас дыскусіі дыпламатамі і аналітыкамі ў амэрыканскім даследчым цэнтры Atlantic Council.
Расійскія жаўнеры без апазнавальных знакаў у Крыме.
Да таго ж дзеянні РФ могуць стаць прыкладам для іншых краінаў, напрыклад, для Кітая, у якога ёсць шмат тэрытарыяльных прэтэнзіяў да суседзяў, сказаў генерал.
Ён крытыкуе палітыку прэзідэнта Абамы за недастатковую рашучасць у дачыненні да пуцінскай Расіі.
«Па ўсёй Усходняй Еўропе… недастаткова моцная падтрымка Амерыкай Украіны стварыла атмасферу няўпэўненасці і сумніву», — адзначыў Кларк.
