Пра гэта паведаміла галоўны сіноптык Рэспубліканскага гідраметэацэнтра Святлана Рыбакова.
У пятніцу ў заходніх раёнах Беларусі чакаюцца ападкі ў выглядзе дажджу і мокрага снегу, захаваецца галалёд, на дарогах — галалёдзіца, уначы месцамі — моцныя ападкі. Тэмпература ноччу — ад 0 да мінус 6 градусаў, па ўсходзе пры праясненнях будзе да 9 градусаў марозу. Тэмпература паветра днём складзе ад мінус 3 да +3 градусаў.
У выхадныя дні (22—23 лістапада) на тэрыторыі краіны захаваецца халоднае надвор'е з тэмпературамі паветра ўначы ад 1 да 7 градусаў марозу, па ўсходзе пры праясненнях чакаецца да мінус 9 градусаў. Днём будзе ад мінус 3 да +2 градусаў.
У суботу ў заходніх і цэнтральных раёнах, а ў нядзелю месцамі па краіне чакаецца снег, сказала галоўны сіноптык. — Асобныя ўчасткі дарог будуць слізкімі.
У пачатку наступнага тыдня ў Беларусі чакаецца халоднае, пераважна без ападкаў надвор'е.
Тэмпература паветра ў начныя гадзіны складзе мінус 3—10 градусаў, пры праясненнях па ўсходзе краіны — да 12 градусаў са знакам мінус. Днём чакаецца ад -4 да +2 градусаў.
