Свет3737

У Баранавічах затрыманы беларус, які быў ва Украіне і прысутнічае ў спісах батальёна «Данбас»

Праваахоўныя органы затрымалі жыхара Баранавіч Дзмітрыя Палойку, піша сайт праваабаронцаў-вясноўцаў spring96.org. Ён змешчаны ў ізалятар часовага ўтрымання і асуджаны да 10 сутак арышту.

Як паведаміў праваабаронца Сяргей Гоўша, «праз знаёмых я даведаўся, што на яго быў складзены адміністрацыйны пратакол за дробнае хуліганства», — кажа праваабаронца. Акрамя таго, ён адзначыў, што міліцыя дапытвае ўсю радню Дзмітрыя Палойкі і забараняе сваякам пакідаць Баранавічы.

Вядома, што апошнія паўгода мужчына правёў у Украіне. Імя Палойкі прысутнічае ў злітых у інтэрнэт спісах батальёна «Данбас», які быў ударнай сілай у антытэрарыстычнай аперацыі, што праводзілася Украінай у Данбасе. Як мяркуюць ва Украіне, спісы былі здабытыя і апублікаваныя расійскімі спецслужбамі. Праўда, ёсць імавернасць, што гэтыя спісы фэйкавыя.

Тэлефон Змітра Палойкі паведамляе, што «абанент недаступны». Гарадская міліцыя кажа толькі пра тое, што актывіст знаходзіцца ў ізалятары часовага ўтрымання. Ніякай іншай інфармацыі больш не даюць.

Паводле інфармацыі радыё «Свабода», Зміцер Палойка ехаў у Баранавічы, каб прадаць там сваю кватэру. Пасля гэтага хлопец меркаваў вярнуцца ў Кіеў.

Па словах Сяргея Гоўшы, гэта справа складаная і далікатная. 

Усяго, як мяркуецца, у склад розных украінскіх добраахвотніцкіх батальёнаў уваходзілі не менш за 20 беларусаў.

Гэтыя батальёны ваявалі на перадавой увесну і ўлетку 2014 года. Яны адыгралі галоўную ролю ў стрымліванні расійскіх штурмавікоў у перыяд, калі баяздатнасць украінскай прафесійнай арміі была нізкай.

Каментары37

Цяпер чытаюць

Каго з бізнэсменаў Лукашэнка паклікаў да сябе на нараду? Была і заснавальніца Wildberries9

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Усе навіны →
Усе навіны

Вячорка: Ні прызначэнне Дзікавіцкага, ні прызначэнне Коўшык з намі не ўзгаднялася4

Яўген Дудкін: Я быў сакрэтным супрацоўнікам КДБ. Але толькі да 2016 года33

Новы рэкорд? Тавараабарот паміж Расіяй і Беларуссю працягвае расці4

Russia Today праводзіць у Мінску школу для журналістаў. Прыехаў і Прыдыбайла7

Трамп хоча спыніць агонь ва Украіне да Вялікадня13

У Курскай вобласці УСУ разбілі калону расійскай элітнай брыгады пад сцягамі СССР16

У Саудаўскую Аравію прыляцела ўкраінская дэлегацыя4

Марзалюк пра новы гістарычны музей: Сустракаць наведвальнікаў будуць самыя важныя ў нацыянальнай гісторыі асобы11

Як выраслі цэны ў Беларусі за апошнія чатыры гады

больш чытаных навін
больш лайканых навін

Каго з бізнэсменаў Лукашэнка паклікаў да сябе на нараду? Была і заснавальніца Wildberries9

Каго з бізнэсменаў Лукашэнка паклікаў да сябе на нараду? Была і заснавальніца Wildberries

Галоўнае
Усе навіны →

Заўвага:

 

 

 

 

Закрыць Паведаміць