Баевікі з артылерыі абстралялі ўкраінскі блакпост паблізу Валнавахі і трапілі ў пасажырскі аўтобус. У выніку 10 чалавек загінулі, 13 атрымалі раненні.
Пра гэта на сваёй старонцы ў Фэйсбуку напісаў начальнік Данецкага абласнога ўпраўлення МУС Украіны Вячаслаў Аброськін.
«З боку Дакучаеўска нанесены артылерыйскі ўдар баевікамі па блакпосце ўкраінскіх праваахоўнікаў у раёне Валнавахі.
Прамое пападанне ў пасажырскі рэйсавы аўтобус. Па стане на зараз 10 чалавек загінуўшых, 13 параненых. Інфармацыя ўдакладняецца», — напісаў Аброськін.
Тэрарысты прызналі факт абстрэлу ўкраінскага блокпаста. Сепаратысцкі сайт заявіў, што апалчэнцы «накрылі блокпост пад Валнавахай».
0
0
0
0
0
0
