Дырэкцыя будаўніцтва атамнай электрастанцыі будзе ажыцьцяўляць функцыі заказчыка па выкананьні комплексу падрыхтоўчых і праектна-вышуковых работ па будаўніцтве АЭС.
Пастанова ўраду №1868 уносіць таксама дапаўненьні ў Палажэньне аб Міністэрстве энэргетыкі Рэспублікі Беларусь і прынята ў мэтах рэалізацыі ўказу кіраўніка дзяржавы ад 12 лістапада 2007 году № 565 "Аб некаторых захадах па будаўніцтве атамнай электрастанцыі".
Згодна з рашэньнем ураду, Міністэрству энэргетыкі перададзена функцыя арганізоўваць і каардынаваць дзейнасьць па стварэньні ядзернай энэргетыкі і ажыцьцяўленьні будаўніцтва АЭС у Беларусі.
Як паведамлялася, у 2008 годзе Беларусь плянуе пачаць будаўніцтва АЭС. Цяпер вядзецца падрыхтоўка да абвяшчэньня міжнароднага тэндэру на будаўніцтва. Праводзяцца работы для выбару пляцоўкі для будаўніцтва станцыі. У якасьці патэнцыйных пляцовак разглядаюцца Краснапалянская і Кукшынаўская.
Выканаўцам абавязкаў кіраўніка Дырэкцыі будаўніцтва АЭС прызначаны Міхаіл Філімонаў.