Сёння ў Мінску пройдзе сустрэча ў «нармандскім фармаце», прысвечаная сітуацыі на Данбасе. Для ўдзелу ў ёй у другой палове дня прыляцяць канцлер Германіі Ангела Меркель, прэзідэнт Францыі Франсуа Аланд, прэзідэнт Украіны Пятро Парашэнка і расійскі прэзідэнт Уладзімір Пуцін.
Саміт пройдзе ў Палацы Незалежнасці, пачнецца каля 17-й-18-й гадзінаў.
Яшчэ ў 14.30 журналістаў пачалі пускаць у Палац Незалежнасці. Праверка на ўваходзе была вельмі пільная. Каб патрапіць у будынак, трэба прайсці два кардоны аховы.
Журналістаў запускаюць у залу, дзе нядаўна праходзіла прэс-канферэнцыя Аляксандра Лукашэнкі. Цікава, што беларускі сцяг вісіць збоку, па цэнтры знаходзіцца сцяг Германіі.
0
0
0
0
0
0
