Агулам ад дзеянняў дзяўчыны пацярпелі 30 чалавек, распавядае прэс-афіцэр Першамайскага РУВД г. Мінска.
Спачатку дзяўчына аформіла на сябе тры крэдыты на мабільныя тэлефоны. Апараты яна практычна адразу прадала і магла аплаціць першыя ўнёскі па крэдытах. Затым яна стала хадзіць у госці да сябровак, у якіх незаўважна забірала пашпарты. На скрадзеныя дакументы яна афармляла крэдыты на мабільныя прылады, пашпарты затым вяртала.
Пасля дзяўчына стала прасіць дапамагчы з афармленнем крэдыту аднакласнікаў і проста знаёмых — казала, што не можа ўзяць крэдыт на сваё імя. Яна абяцала своечасова пагашаць крэдыт, часам выдавала распіскі. За афармленне крэдыту яна прапаноўвала 300-500 тысяч рублёў узнагароды.
Усяго дзяўчына аформіла на іншых людзей 80 гаджэтаў. Сваю віну яна прызнае, ужо знайшла працу і пачынае кампенсаваць шкоду.
