Смерць Барыса Нямцова не пакінула абыякавымі і жыхароў Літвы. У нядзелю пасля абеду ў Вільнюсе адбылося шэсце ў памяць аб Нямцова.
Ініцыятыва, прапанаваная ў сацыяльнай сетцы Facebook, зацікавіла амаль 1000 чалавек. Такая колькасць людзей прызнала, што ўдзельнічала б у шэсці.
А 14-й людзі сабраліся ля амбасады Расіі і адтуль ішлі да Лукішскага пляцу. Шэсце завяршылася хвілінай маўчання на Лукішкскім пляцы ў Вільні, каля будынка былой турмы КДБ, паведамляе delfi.lt.
Людзі прыйшлі на акцыю з партрэтамі Нямцова, антыпуцінскімі лозунгамі, сцягамі Літвы, Украіны, Расіі, Грузіі. Былі і беларускія нацыянальныя бел-чырвона-белыя сцягі.
0
0
0
0
0
0
