М.Пілінкевіч не змог сказаць, як доўга будзе цягнуцца экспертыза. Паводле яго слоў, гэта вызначаюць урачы, але, як правіла, у межах месяца.
Мікалай Пілінкевіч таксама паведаміў, што маладому чалавеку не прад\’яўлялася ніякіх новых абвінавачанняў. Следства чакае вынікаў псіхіятрычнай экспертызы.
Абвінавачанне ва ўчыненні злачынства, прадугледжанага п. 2 ч. 2 арт. 139 Крымінальнага кодэкса Рэспублікі Беларусь (наўмыснае забойства заведама малалетняга) было прад’яўлена мінчаніну 11 студзеня. З санкцыі пракуратуры ён быў арыштаваны.
Нагадаем, цела другакласніцы Бяларуцкай сярэдняй школы (Лагойскі раён Мінскай вобласці) было знойдзена супрацоўнікамі крымінальнага вышуку 3 студзеня пад будаўнічым вагончыкам каля ляснога масіву прыкладна за сем кіламетраў ад пасёлка Бяларучы, дзе дзяўчынка жыла з маці, і за два кіламетры ад садаводства «Лясное‑90». Устаноўлена, што смерць дзяўчынкі наступіла ў выніку насільных дзеянняў.
І.Кужэльная знаходзілася ў вышуку з 23 лістапада 2007 года.
