Крым і ўсходнія рэгіёны Украіны жывуць у «царстве тэрору», заявіла намесніца дзяржсакратара ЗША Вікторыя Нуланд, выступаючы ў камітэце сената ЗША па міжнародных адносінах.
«Хоць Украіна будуе мірную, дэмакратычную і незалежную дзяржаву на 93% сваёй тэрыторыі, Крым і часткі ўсходняй Украіны пакутуюць у царстве тэрору», — сказала яна.
«Сёння Крым застаецца незаконна акупаванай тэрыторыяй, невыкананне правоў чалавека з'яўляецца тут нормай, а не выключэннем, і многія жыхары Крыма знаходзяцца ў вельмі небяспечным становішчы».
Па словах Вікторыі Нуланд, крымскія татары і ўкраінцы, якія адмовіліся здаваць свае пашпарты, сэксуальныя меншасці, журналісты і многія іншыя катэгорыі насельніцтва жывуць у пастаянным страху пакарання.
«Ва ўсходняй Украіне Расія і яе марыянеткі развязалі рукі непрымальнаму гвалту і марадзёрству», — сказала Вікторыя Нуланд.
«Развязаць канфлікт, кантраляваны Крамлём, сілкаваны расейскім узбраеннем і фінанаваны грашыма расійскіх падаткаплацельшчыкаў, каштаваў жыцця 6 тысячам украінцаў і сотням маладых расейцаў, адпраўленых туды Крамлём, — на вайну, якую іх урад адмаўляе», — заявіла намесніца дзяржсакратара ЗША.
«Вось што мы хочам убачыць: поўнае спыненне агню на тэрыторыі ўсходняй Украіны, свабодны доступ ва ўсе зоны канфлікту, адвод цяжкага ўзбраення і, нарэшце, недагляданы пропуск грузаў праз украінскую мяжу. Калі ўсе гэтыя ўмовы будуць цалкам выкананыя, гэта прынясе мір ва ўсходнюю Украіну, у першы раз амаль за год. Мы будзем судзіць аб Расіі не па яе словах, а па яе дзеяннях. І тады ЗША і нашы міжнародныя партнёры адменяць санкцыі ў адносінах да Расіі. Гэта адбудзецца толькі тады, калі мінскія дамоўленасці будуць выкананыя цалкам. Адваротнае таксама магчыма: калі дамоўленасці не будуць выконвацца, санкцыі будуць пашыраныя. Цяпер мы пачалі кансультацыі з нашымі еўрапейскімі партнёрамі па пытанні ўзмацнення санкцый у дачыненні да Расіі ў выпадку, калі Масква працягне распальваць канфлікт на ўсходзе і іншых частках Украіны».
На мінулым тыдні на папярэдніх слуханнях Нуланд заявіла, што з моманту пачатку канфлікту ЗША адправілі ва Украіну 335 млн даляраў фінансавай падтрымкі ў дадатак да гарантый пазыкі ў мільярд даляраў. На медыцынскую дапамогу, радары, прыборы, якія ускладняюць перадачу радыёсігналаў, а таксама падрыхтоўку кадраў ЗША патрацілі 118 млн даляраў.
