minsknews.by
Мінскі гарадскі цэнтр нерухомасці выставіў на аўкцыён цеплаход 1953 года выпуску, паведамляе «Мінск-Навіны». «Святая Надзея» мае ўдоўжкі 20 метраў і ўшыркі 4 метры.
Цеплаход «Святая Надзея» сышоў да неназванага пакупніка па цане, вышэйшай за стартавую ў 10 раз. Новы ўладальнік збіраецца адрамантаваць карабель і зрабіць яго прагулачным.
«Святая Надзея» патрабуе сур’ёзнага рамонту, у тым ліку замены рухавіка і вінта. Толькі на гэта новаму ўладальніку прыйдзецца патраціць каля 200 млн.
Па рамонце, які можа завершыцца ўжо да 3 ліпеня, «Святая Надзея» будзе выкарыстоўвацца для водных прагулак і карпаратываў. На ім усталююць столікі ды абсталяванне для пачастунку кавай і гарбатай. Прагулкі будуць стартаваць з прычалу каля аквапарку «Лябяжы».
