БелТА
Міністр працы і сацыяльнай абароны Мар'яна Шчоткіна на нацыянальным прававым інтэрнэт-партале патлумачыла, як будуць выплачваць збор працаздольныя грамадзяне, якія не ўдзельнічаюць у фінансаванні дзяржвыдаткаў больш за 183 дзён у годзе.
Гэтая норма, нагадаем, утрымліваецца ў Дэкрэце № 3, падпісаным 2 красавіка Аляксандрам Лукашэнкам.
Як распавяла Шчоткіна, выплаціць збор можна будзе самастойна.
Для гэтага ў перыяд з 1 жніўня гэтага года і не пазней за 31 мая 2016 года неабходна паведаміць падатковы орган па месцы сваёй рэгістрацыі аб няўдзеле ў фінансаванні дзяржаўных расходаў і выплаціць збор не пазней за 1 ліпеня 2016 года.
«У гэтым выпадку сума збору памяншаецца на 10%», — адзначыла міністр.
«Варта адзначыць, што дэкрэтам прадугледжваецца распрацоўка механізму ўзаемадзеяння (у тым ліку інфармацыйнага) дзяржаўных органаў і арганізацый для выяўлення плацельшчыкаў збору і фармавання іх спісаў, — сказала Мар'яна Шчоткіна. — Гэтыя спісы будуць перададзеныя Міністэрствам па падатках і зборах у тэрытарыяльныя падатковыя органы. Збор будзе залічвацца ў мясцовыя бюджэты базавага ўзроўню і бюджэт Мінска. Гэта дазволіць павялічыць рэсурсную базу на мясцовым узроўні і накіраваць дадатковыя сродкі на вырашэнне актуальных сацыяльных задач, якія стаяць перад такімі органамі».
Тым, хто не аплаціць збор самастойна, падатковы орган да 1 кастрычніка 2016 ўручыць паведамленне на ўплату збору ў тэрмін да 15 лістапада.
Грамадзянін, які атрымаў паведамленне, мае права на працягу 30 каляндарных дзён з дня атрымання паведамлення прадставіць у падатковы орган дакументы і (або) тлумачэнні, якія сведчаць аб адсутнасці ў яго абавязку па выплаце збору ў адпаведнасці з нормамі дэкрэта.
Нявыплата або няпоўная выплата збору цягнуць накладанне штрафу ў памеры ад двух да чатырох базавых велічынь або адміністрацыйны арышт.
У перыяд адбыцця адміністрацыйнага арышту грамадзяне абавязкова прыцягваюцца да выканання грамадска карысных работ.
«Пералік аб'ектаў і віды грамадска карысных работ будуць зацвярджацца рашэннямі мясцовых выканаўчых і распарадчых органаў, — дадала міністр працы і сацыяльнай абароны. — А ў выпадку невыканання ўстаноўленых абавязкаў па выкананні працоўнай дысцыпліны, патрабаванняў бяспекі пры выкананні грамадска карысных работ, а таксама адмовы ад іх выканання да грамадзян падчас адміністрацыйнага арышту могуць прымяняцца дысцыплінарныя спагнанні».
У адносінах да плацельшчыкаў збору падатковым органам дадзена права ажыццяўляць кантроль у сферы дэкларавання даходаў і маёмасці і кантроль за адпаведнасцю расходаў грамадзяніна яго даходах.
Калі падатковы орган пры ажыццяўленні гэтага кантролю вызначыць, што выдаткі грамадзяніна перавышаюць яго даходы, даходы грамадзяніна, вылічаныя зыходзячы з сум перавышэння выдаткаў над даходамі, падлягаюць падаткаабкладанню ў адпаведнасці з заканадаўчымі актамі.
