 |
Такія вынікі апытаньня Інфармацыйна‑аналiтычнага цэнтру пры Адмiнiстрацыi прэзыдэнта Беларусі распаўсюдзіла дзяржаўнае агенцтва акурат пасьля вяртаньня Лукашэнкі з Сочы.
"Апытаньне паказала, што значная частка беларусаў зьвязвае паляпшэньне сацыяльна-эканамічнай сытуацыі ў краіне з пашырэньнем сувязяў з Захадам. Гэтак, колькасьць жыхароў Беларусі, якія лічаць, што для паляпшэньня сацыяльна-эканамічнай сытуацыі ў краіне канечне пашырыць эканамічныя сувязі з заходнімі дзяржавамі, складае 27,4 %", паведамляе БЕЛТА.
Згодна з вынікамі таго ж апытаньня, за ўваходжаньне Беларусі ў склад Расеі выказалiся ўсяго 3,4 працэнта рэспандэнтаў.
Большасць рэспандэнтаў (43,7 працэнта) лiчаць, што рэспублiка павiнна быць незалежнай дзяржавай i будаваць свае адносiны з Расiяй на аснове мiжнародных дагавораў. Яшчэ 42,2 працэнта беларусаў бачаць будучае Беларусi i Расii ў пабудове адносiнаў па прынцыпе раўнапраўнага саюзу дзьвюх дзяржаваў са стварэньнем наднацыянальных органаў кiраваньня.
ІАЦ узначальвае паніжаны ў рангу былы галоўны ідэоляг Алег Праляскоўскі. Інстытут абслугоўвае прапагандысцкі апарат краіны.
