Турцыя асудзіла заявы Уладзіміра Пуціна пра тое, што падзеі 1915 года ў Арменіі былі генацыдам.
«Мы не прымаем і асуджаем маркіроўку прэзідэнтам Расійскай Федэрацыі падзей 1915 года як «генацыд», — гаворыцца ў заяве турэцкага МЗС. —
Прымаючы пад ўвагу масавыя зверствы і ссылкі на Каўказе, у Цэнтральнай Азіі і Усходняй Еўропе, учыненыя Расіяй на працягу стагоддзяў; такія метады калектыўнага пакарання, як Галадамор,
а таксама бесчалавечныя метады ў дачыненні да ўласнага мусульманскага насельніцтва, мы лічым, што Расія з'яўляецца найлепшым знаўцам «генацыду» і яго прававога вымярэння».
Варта адзначыць, што Турцыя вельмі негатыўна ацэньвае ўсе заявы з нагоды генацыду армян, зробленыя заходнімі краінамі.
0
0
0
0
0
0
