Пра гэта паведаміў на аператыўнай нарадзе ў гарвыканкаме начальнік упраўлення спорту і турызму Мінгарвыканкама Сяргей Фурманаў.
«На сёння паслугі па пракаце ровараў у Мінску аказваюць 13 суб'ектаў гаспадарання, працуюць 20 пунктаў пракату, якія маюць у наяўнасці 587 ровараў. Кошт 1 гадзіны арэнды ровара вар'іруецца ад Br30 тыс. да Br60 тыс., на адны суткі — ад Br110 тыс. да Br180 тыс. Да канца мая ў горадзе адкрыюцца яшчэ 10 пунктаў пракату», — сказаў Сяргей Фурманаў.
Недалёка ад магістральнай веладарожкі працуюць восем пунктаў пракату і шэсць пунктаў рамонту ровараў, больш за 10 гандлёвых аб'ектаў. Сёлета тут плануецца адкрыць яшчэ некалькі аб'ектаў па продажы марожанага і напояў.
У Мінску абсталявана 27 км магістральных веладарожак, больш за 70 км адаптаваных пешаходна-веласіпедных дарожак і больш за 300 велапарковак. Паводле ацэнак упраўлення спорту і турызму, роварамі ў сталіцы карыстаюцца больш за 300 тыс. гараджан.
