На чэмпіянаце свету па хакеі зборнай Беларусі засталося правесці ў групавым турніры два матчы: сёння супраць Фінляндыі (17:15) і заўтра супраць Нарвегіі (13:15).
На жаль, не дапаможа сёння Андрэй Касціцын, дыскваліфікаваны на адну гульню, Jaroslav Ožana, ČTK
Становішча ў нашай групе на раніцу панядзелка наступнае:
ЗША — 15 (6 гульняў), Расія — 14 (6), Фінляндыя — 12 (5), Беларусь — 10 (5), Славакія — 8 (6), Нарвегія — 6 (6), Данія — 4 (6), Славенія — 0 (6).
Такім чынам, каб прабіцца ў плэй-оф (4-е месца трапляе на моцную Канаду), беларусам трэба або выйграць у адным з матчаў, або двойчы прайграць (г.зн. набраць два ачкі) у авертайме, каб гарантавана апярэдзіць Славакію, якой застаўся ў аўторак матч з ЗША (17:15).
Зняць усе пытанні можна будзе калі не сёння (фіны ў чатырох матчах не прапусцілі ніводнай шайбы), то заўтра перамогай над не матываванай Нарвегіяй, якая ў плэй-оф ужо не трапіць, але можа вырашаць лакальнае пытанне: апярэдзіць у турнірнай табліцы былога «старэйшага брата» Данію.
Данія сёння вечарам гуляе са Славеніяй, якая ўжо пакідае вышэйшы дывізіён.
Аўторак: Беларусь — Нарвегія, ЗША — Славакія, Расія — Фінляндыя.
Чвэрцьфіналы пройдуць у чацвер, паўфіналы — у суботу, фінал і матч за 3-е месца ў нядзелю.
-
«Лайкаў допісы з Пуціным». Украінскі НАК супраць удзелу ў Алімпіядзе чэмпіёна Токіа-2021 Івана Літвіновіча
-
«Мой шлях даўжынёю ў 24 гады ў UFC падышоў да завяршэння». Легендарны беларускі баец Андрэй Арлоўскі абвясціў пра завяршэнне кар'еры
-
Крышціяну Раналду суцяшае Пепе пасля паразы Партугаліі ў серыі пенальці ФОТАФАКТ
Беларусь прысабечыла частку тэрыторыі Украіны для ўласных патрэб? 2
Каментары