Ды ён можа выглядаць не зусім так, як у III ст. да н.э.
Улады Егіпта ўзгаднілі праект аднаўлення аднаго з сямі антычных цудаў свету, Александрыйскага маяка, паведамляе The Cairo Post.
Копія гістарычнага Александрыйскага маяка мае быць збудаваная на гістарычным месцы — востраве Фарос у бухце Александрыі. Адна праблема — няма ніводнай выявы маяка часоў яго існавання.
Усе сучасныя ўяўленні пра Александрыйскі маяк грунтуюцца на пісьмовых арабскіх крыніцах. З іх вядома, што маяк вышынёй 120-137 метраў складаўся з квадратнага ў сячэнні аснавання, васьміграннай сярэдняй часткі і круглай вежы. На вяршыні вежы ўдзень функцыянавала велізарнае люстэрка, уночы — вогнішча.
Яшчэ адна магчымая крыніца інфармацыі пра маяк — макет Абусірскага маяка, знойдзены ў адной са старажытнаегіпецкіх грабніц. Некаторыя навукоўцы мяркуюць, што маяк праектаваўся як паменшаная копія Александрыйскага.
Беларусь прысабечыла частку тэрыторыі Украіны для ўласных патрэб? 2
Каментары