У вытворчасці Галоўнага следчага ўпраўлення знаходзіцца крымінальная справа ў дачыненні да двух мужчын і адной жанчыны, якія маюць дачыненне да забойства шасці чалавек і падрыхтоўцы да забойства яшчэ аднаго, паведамляе прэс-служба Следчага камітэта.
Падставай для завядзення крымінальнай справы паслужылі матэрыялы праверкі, праведзенай Міністэрствам унутраных спраў па паведамленні аб падрыхтоўцы да забойства 51-гадовага жыхара г.Магілёва.
У ходзе расследавання крымінальнай справы інфармацыя пацвердзілася. Акрамя таго, следчымі былі атрыманыя дадзеныя аб дачыненні абвінавачаных да забойства яшчэ шасці жыхароў Магілёўскай вобласці, целы якіх вывозілі і закопвалі на розных могілках. Матывам злачынства ў кожным выпадку выступалі грашовыя сродкі, атрыманыя ад продажу кватэр.
Дзеянні абвінавачаных следствам кваліфікаваныя па ч.2 арт.139 (забойства, здзейсненае пры абцяжваючых абставінах) Крымінальнага кодэкса Рэспублікі Беларусь. У дачыненні да іх прыменена мера стрымання ў выглядзе заключэння пад варту.
Для каардынацыі дзеянняў і арганізацыі працы следча-аператыўнай групы ў Магілёў выязджаў старшыня Следчага камітэта. У ходзе аператыўнай нарады былі паведамлены вынікі і аб'ём праведзенага расследавання. Крымінальная справа ўзята на асабісты кантроль Валянціна Шаева.
Вывучэнне абставінаў злачыннай дзейнасці абвінавачаных працягваецца. Правяраецца іх дачыненне да здзяйснення іншых злачынстваў на тэрыторыі Рэспублікі Беларусь.
Каментары