Вынікі галасавання на «Еўрабачанні»: беларускае журы за Швецыю, гледачы за Расію 16

Сталі вядомыя поўныя вынікі галасавання прафесійных журы і тэлегледачоў у фінале «Еўрабачання-2015».

Беларускае журы аддала першынство Швецыі, якая, зрэшты, у выніку і перамагла ў конкурсе. За скандынаўскую краіну прагаласавалі саліст гурта «Дразды» Віталь Карпанаў і дызайнер Аксана Арцюшэўская. Спявачка Іскуі Абалян і топ-менеджарка БТ Наталля Марынава падтрымалі Расію, а спявак Аляксей Грос даў максімальны бал Аўстраліі.

Такім чынам, дзясятка найлепшых ад беларускага журы:

1. Швецыя

2. Расія

3. Аўстралія

4. Бельгія

5. Арменія

6. Латвія

7. Ізраіль

8. Кіпр

9. Эстонія

10. Велікабрытанія

Адначасова галасавалі тэлегледачы. Яны аддалі свае галасы наступным краінам:

1. Расія

2. Эстонія

3. Бельгія

4. Італія

5. Швецыя

6. Латвія

7. Грузія

8. Аўстралія

9. Арменія

10. Азербайджан

* * *

І журы, і гледачы сінхронна падтрымалі 7 з 10 краінаў. Галасы былі аб'яднаныя ў прапорцыя 50:50.

У выніку балы ад Беларусі дасталіся наступным краінам:

Расія 12

Швецыя 10

Бельгія 8

Эстонія 7

Аўстралія 6

Латвія 5

Арменія 4

Грузія 3

Ізраіль 2

Італія 1

* * *

«Еўрабачанне-2015»: Швецыя перамагла, Расія – другая

ЯМ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ