Інцыдэнт адбыўся 2 чэрвеня ў 11.55. 36-гадовая ўраджэнка вёскі Пялікі Шаркаўшчынскага раёна пераходзіла праз чыгуначны пераезд на станцыі Шаркаўшчызна, размаўляючы па мабільным тэлефоне.

Машыніст манеўровага цеплавоза паспрабаваў пазбегнуць сутыкнення і стаў падаваць гукавыя сігналы, але жанчына на іх ніяк не адрэагавала.

«З закрытай чэрапна-мазгавой траўмай, ударам галаўнога мозгу, а таксама пашкоджаннямі рознай ступені цяжкасці яна была дастаўлена ў бальніцу. Цяпер пацярпелая знаходзіцца ў рэанімацыі», — растлумачыў супрацоўнік прэс-службы МУС Аляксандр Марчанка.

Затрымкі руху цягніка ў сувязі са здарэннем не было. Праводзіцца дэталёвая праверка.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?