Іспанская «Барселона» пяты раз выйграла футбольную Лігу чэмпіёнаў. У фінале сезона 2014/2015 у Берліне каталонцы перамаглі італьянскі «Ювентус» з лікам 3:1.
Ужо на 4-й хвіліне лік адкрыў харват Іван Ракіціч.
У другім тайме каманды спачатку абмяняліся галамі: на гол Альвара Мараты (55-я), сіне-гранатавыя адказалі ўдарам Луіса Суарэса (70-я). А на апошняй хвіліне (90+7) кропку паставіў Неймар — 3:1.
«Барселона» выйгравала галоўны еўрапейскі клубны трафей у 1992-м, 2006-м, 2009-м і 2011 гг.
Ужо 22 чэрвеня пройдзе лёсаванне першых двух раўндаў кваліфікацыі Лігі чэмпіёнаў 2015-2016, дзе свайго першага суперніка дазнаецца БАТЭ.
0
0
0
0
0
0