Супрацоўнікамі аддзела крымінальнага вышуку Партызанскага РУУС сталіцы затрыманыя двое маладых людзей, якія збілі пакупніка ў краме на вуліцы Солтыса.
Як паведамляе ГУУС Мінгарвыканкама, да 30-гадовага мужчыны, які разлічваўся на касе, прычапіліся двое хлопцаў нападпітку. Нічога не тлумачачы, яны сталі наносіць наведвальніку ўдары па розных частках цела, пасля чаго ўцяклі.
Падчас аператыўна-вышуковых мерапрыемстваў падазроныя былі ўстаноўленыя і затрыманыя. Гэта жыхары сталіцы 27 і 29 гадоў. Адзін з хуліганаў — грамадзянін Расіі. Свой учынак растлумачыць не здолелі, спасылаючыся на вялікую колькасць выпітага спіртнога.
Праводзіцца праверка.
0
0
0
0
0
0