Арганізатары фестывалю электроннай музыкі «Космас Наш», які «Наша Ніва» прапаноўвала сярод цікавых беларускіх фэстаў гэтага лета, заявілі аб адмене мерапрыемства.

«У выніку чарады падзей, што можна назваць дзеяннем непераадольнай сілы, у тым ліку адмены візіту галоўнага хэдлайнера фестывалю James Zabiela, намі было прынятае рашэнне адмяніць правядзенне фестывалю «Космас наш» у гэтым годзе», — тлумачаць арганізатары.

Удакладняецца, што ад правядзення фэсту ў наступныя годы арганізатары не адмаўляюцца.

Тым, хто ўжо набыў квіткі на «Космас наш», прапануецца абмяняць іх без даплаты на «DJMag Top 100 World Tour» у «Чыжоўка-Арэне», на якім 28 лістапада сярод іншых выступіць адзін з найлепшых дыджэяў свету, DJ Hardwell. Таксама грошы за квіткі можна вярнуць у касе TicketPro па адрасе пр-т. Машэрава, 25.

Хочаш падзяліцца важнай інфармацыяй ананімна і канфідэнцыйна?