У суботу ўвечары з Каўнаса ў іспанскі Алікантэ вылецеў самалёт, пасажырам якога прыйшлося перажыць шок. Ледзь самалёт перасёк мяжу з Польшчай, як яму прыйшлося павярнуць і ляцець назад.
Самалёт быў вымушаны вярнуцца ў Каўнас з-за бойкі на борце. Прадстаўнік літоўскай Службы аховы дзяржмяжы Рокас Пукінскас інфармаваў DELFI, што канфлікт у самалёце разгарэўся паміж п'янымі членамі сям'і з Беларусі. Муж з жонкай (яны ляцелі з двума малалетнімі дзецьмі) сталі лаяцца, разгарэўся не абы які канфлікт, таму экіпаж самалёта вырашыў вярнуцца. Па словах памежнікаў, з самалёта высадзілі п'яных беларусаў з дзецьмі і аднаго грамадзяніна Літвы, пасля чаго самалёт дазаправілі, і ён вылецеў у Алікантэ.
0
0
0
0
0
0
