president.gov.by
Падчас наведвання 28 жніўня аддзялення «Расна» ААТ «Белавежскі» ў Брэсцкай вобласці Аляксандр Лукашэнка выказаўся супраць множнасці курсаў валют.
«У нас ёсць група спекулянтаў, як і ў любой краіне, якія прывыклі гуляць: сёння куплю, заўтра перапрадам. Не, з дзяржавай у азартныя гульні не раю гуляць. Цяпер адпусцілі курс. Хочаце купіць долар — плаціце тую цану, якая складваецца на рынку. Мы яго не трымаем, проста назіраем за цэнамі. І трымаць небяспечна», — прыводзіць словы Лукашэнкі яго прэс-служба.
Ён падкрэсліў, што пры стрымліванні курсу можна нанесці ўрон і тым, хто прывозіць валюту ў краіну: «Калі ён прывёз долары і хоча прадаваць, а мы будзем заціскаць і трымаць, дзікі рынак з'явіцца (мы гэта ўжо праходзілі), будуць два курсы — гэта катастрофа».
