Паліцыя ў Аўстрыі выявіла ў закрытым грузавіку 26 мігрантаў, сярод якіх трое дзяцей, якія знаходзяцца ў вельмі цяжкім стане.
Як паведаміў прадстаўнік паліцыі, кіроўца грузавіка - грамадзянін Румыніі — спрабаваў збегчы, але быў арыштаваны.
Усе мігранты — уцекачы з Сірыі, Афганістана і Бангладэш.
Раней у Аўстрыі былі арыштаваныя і ў суботу паўсталі перад судом чатыры чалавекі па падазрэнні ў дачыненні да гібелі 71 мігранта.
На гэтым тыдні ў грузавіку, выяўленым на абочыне аўтастрады, былі знойдзены целы 59 мужчын, васьмі жанчын і чатырох дзяцей.
Аўстрыйская паліцыя мяркуе, што адказнасць за гібель людзей нясе венгерска-балгарскі крымінальны сіндыкат, які займаецца незаконнай перапраўкай мігрантаў у Еўропу.
0
0
0
0
0
0