Фота EPA/KOCA SULEJMANOVIC
Чыгуначная сувязь паміж Даніяй і ФРГ прыпынена на нявызначаны час паводле рашэння дацкай паліцыі. Пра гэта паведаміла ў сераду кампанія Дацкая чыгунка (DSB).
Паводле прадстаўніка кампаніі, «пасажырскія цягнікі ходзяць толькі па маршруце Рэдбю-Путгардэн, дзе знаходзяцца дацкі і германскі тэрміналы паромнай пераправы».
Пакуль невядома, калі рух цягнікоў паміж дзвюма краінамі будзе адноўлены, паведаміў прадстаўнік DSB.
Гэта рашэнне праваахоўныя органы Даніі прынялі ў сувязі з тым, што ў апошнія дні з Германіі на тэрыторыю Даніі прыбывае ўсё больш нелегальных мігрантаў, большасць якіх плануе на пароме трапіць у Швецыю.
0
0
0
0
0
0
