Пажар здарыўся ва ўнівермагу «ГУМ» ў цэнтры Мінска, паведамілі БЕЛТА ў Міністэрстве па надзвычайных сітуацыях.
Паведамленне аб задымленні ў склепе будынка крамы паступіла пажарным 13 верасня ў 5.37. Па прыбыцці супрацоўнікі МНС выявілі, што ў адным з складскіх памяшканняў склепа адбылося загаранне службовай дакументацыі на плошчы 6 кв.м. Полымя пашкодзіла дакументы і некаторыя прадметы інтэр'еру.
Пажар аператыўна ліквідавалі. Яго прычына вызначаецца. Паводле папярэдняй версіі, інцыдэнт адбыўся праз кароткае замыканне электраправодкі свяцільніка на столі.
Пажар паўплываў на працу ўнівермага. У нядзелю ГУМ адкрыўся для пакупнікоў у 12.00.
