Па меншай меры шэсць чалавек загінулі і дзесяткі параненыя ў выніку выбухаў, якія адбыліся ў горадзе Лючжоў, у паўднёвым Гуансі-Чжуанскім аўтаномным раёне Кітая.
Як паведамляе ўрадавае агенцтва Сіньхуа, усяго ў перыяд з трох да пяці гадзін дня ў невялікім горадзе адбылося 15 выбухаў. Зачэпленыя мясцовая бальніца, гарадскія рынкі, гандлёвы цэнтр, аўтобусная станцыя і некалькі ўрадавых будынкаў, уключаючы турму і інтэрнат для чыноўнікаў.
У сацыяльных сетках у сераду з'явілася мноства фатаграфій з месца падзей. На фотаздымках бачныя дымныя руіны і разбураныя вуліцы.
Выбухі расследуюцца. Шэф паліцыі горада Чжоў Чанкінь распавёў журналістам, што бомбы, хутчэй за ўсё, былі дастаўленыя па адрасах у пасылках.
Па справе аб выбухах затрыманы мужчына 33 гадоў па прозвішчы Вэй, жыхар вёскі Дапу. Больш пра яго нічога не вядома. Не называецца і магчымых матываў злачынства.
Па новых паведамленнях, у выніку выбухаў загінулі сямёра, больш за 50 чалавек былі параненыя, двое прапалі без вестак. Некаторыя мясцовыя СМІ пры гэтым пішуць, што выбухаў было 17.
На месцы здарэння працуюць ратавальнікі.
CCTV
