Паводле яго слоў, у справе фігуруюць «і звычайныя грамадзяне, і прадстаўнік органаў дзяржаўнай бяспекі — маёр КДБ». Затрыманым інкрымінуюць незаконны выбар, набыццё, крадзеж агнястрэльнай зброі і боепрыпасаў (артыкул 295 Крымінальнага кодэкса Рэспублікі Беларусь). В.Ліненка падкрэсліў, што гаворка «пакуль не ідзе аб тэрарызме». «Людзі затрыманы і пакуль будуць адказваць за незаконны абарот зброі», — сказаў ён.
У сваю чаргу намеснік начальніка аддзела па барацьбе з арганізаванай злачыннасцю МУС Аляксандр Літвінскі праінфармаваў, што фігуранты справы — гэта «чорныя капальнікі». «У віцебскім рэгіёне падчас Другой сусветнай вайны ішлі жорсткія баі. Гэтыя раёны начынены снарадамі і боепрыпасамі. І нядобрасумленныя грамадзяне выкопваюць і выкарыстоўваюць выбуховыя рэчывы як браканьеры. Прадаюць, перапрадаюць, аднаўляюць гэтую зброю», — сказаў А.Літвінскі.
Паводле яго слоў, у поле зроку праваахоўных органаў трапіла такая група. Аднак ён падкрэсліў, што «канкрэтна абвінавачваць гэтых асоб у віцебскіх выбухах нельга». Цяпер праводзяцца экспертызы.
Нагадаем, выбухі ў Віцебску адбыліся 14 і 22 верасня 2005 года. У выніку «хуліганскіх дзеянняў» — менавіта так было кваліфікавана здарэнне праваахоўнымі органамі — пацярпелі больш за 40 чалавек.
