Адразу тры аўтары NN.BY сярод пераможцаў конкурсу БАЖ

14 сакавіка Беларуская асацыяцыя журналістаў узнагародзіць пераможцаў творчага конкурсу «Вольнае слова», які арганізацыя ладзіла на працягу 2007 года. Паводле ўмоваў конкурсу, усе лаўрэаты атрымаюць грашовыя прэміі. Цырымонія ўзнагароджання адбудзецца ў 12.00 ў офісе арганізацыі (пл. Свабоды, 17–304). Запрашаем павіншаваць калегаў!

Конкурс адбываўся ў два этапы. У ім узялі ўдзел каля трох дзесяткаў журналістаў, якія даслалі на «Вольнае слова» каля 150 тэкстаў у розных жанрах.

Спосаб ацэнкі, якім карысталася журы, дазволіў максімальна абстрагавацца ад асабістага стаўлення і сканцэнтравацца на перавагах альбо хібах журналісцкага твору. Кожны тэкст ацэньваўся па 5-бальнай шкале. Колькасць балаў, набраная конкурсным тэкстам, стала вызначальнай пры выбары пераможцаў у наступных намінацыях:

Найлепшы інфармацыйны матэрыял

1 месца:

АЎТАР: Зміцер ПАНЯМОНАЎ («Еўрапейскае радыё для Беларусі»)
ТЭКСТ: «На плошчы Незалежнасці паклалі радыёактыўную плітку»

2 месца:

АЎТАР: Руслан ГАРБАЧОЎ («Іntex-press», Баранавічы)
ТЭКСТ: «Как я был инвалидом»

АЎТАР: Глеб ЛАБАДЗЕНКА («Комсомольская правда» в Белоруссии»)
ТЭКСТ: «Белорусское молоко разошлось в Смоленске за 15 минут»

3 месца:

АЎТАР: Алена НАВАЖЫЛАВА («Белорусские новости», БелаПАН)
ТЭКСТ: «С новым газом, Беларусь!»

Найлепшая аналітычная публікацыя

1 месца:

АЎТАР: Валеры КАРБАЛЕВІЧ («СНплюс. Свободные новости плюс»)
ТЭКСТ: «Инфляция оптимизма»

2 месца:

АЎТАР: Віталь ТАРАС ( «Наша Ніва»)
ТЭКСТ: «Данайскія дары»

3 месца:

АЎТАР: Сяргей ЗАКОННІКАЎ («СНплюс. Свободные новости плюс»)
ТЭКСТ: «Здаровы сэнс падказвае»

Лепшая публікацыя літаратурна-мастацкага жанру

1 месца:

АЎТАР: Сямён ПЕЧАНКО («Наша Ніва»)
ТЭКСТ: «Дзікар і Джулія»

2 месца:

АЎТАР: Алена ЧЭБ («Брестский курьер»)
ТЭКСТ: «Мелочи семейной жизни, или Уикенд без права на отдых»

3 месца:

АЎТАР: Віталь ЦЫГАНКОЎ ( Радыё «Свабода»)
ТЭКСТ: «Нацыянальная ідэя ўлады — «жывіце і ня думайце»

Намінацыя ДЭБЮТ

АЎТАР: Зміцер ПАНКАВЕЦ («Наша Ніва»)
ТЭКСТ: Міхаіл Герчык: «Не спадзяваўся выбрацца адтуль»

«Наш конкурс засведчыў, што ў Беларусі застаюцца журналісты, адданыя прынцыпам аб’ектыўнай журналістыкі і свабоды слова, — лічыць старшыня журы, вядомы беларускі журналіст Юрый Карманаў. — На наш погляд, тэксты-пераможцы адпавядаюць усім стандартам якаснай і дынамічнай журналістыкі».

Прэс-служба ГА «Беларуская асацыяцыя журналістаў»

0

0

0

0

0

0