Украінская лётчыца і народны дэпутат Надзея Саўчанка можа зноў пачаць галадоўку.
Пра гэта заявіла яе сястра Вера ў эфіры тэлеканала «112».
«Намер такі маецца. Надзея такім чынам змагаецца. Гэта яе зброя», — сказала яна.
Таксама Вера паведаміла, што яе сястра склала тэстамент, аднак не стала раскрываць дэталі.
Як вядома, 18 чэрвеня 2014 года ўкраінская лётчыца была незаконна вывезеная ў Расію, дзе яе абвінавацілі ў дапамаганні забойству расійскіх журналістаў. 13 снежня 2014 года Саўчанка абвясціла галадоўку, патрабуючы свайго вызвалення.
19 лютага стала вядома, што яна адмовілася ад ін'екцый глюкозы, якія падтрымліваюць яе здароўе, таму што з-за катэтараў ў яе пачалося запаленне вен. 5 сакавіка Саўчанка пагадзілася прымаць булён, аднак 16 сакавіка аднавіла галадоўку. 12 мая 2015 года Вера Саўчанка паведаміла, што яе сястра спыніла галадоўку.