Крымінальная справа за наўмыснае прычыненне цяжкіх цялесных пашкоджанняў распачата ў дачыненні да 63-гадовай мінчанкі.
Вечарам 14 кастрычніка жанчына знаходзілася ва ўласным дачным доме, размешчаным у вёсцы Каменка Дзяржынскага раёна. Сварка з сынам успыхнула рэзка.
У выніку маці наўмысна абліла бензінам 40-гадовага сына і падпаліла яго. Мужчына атрымаў тэрмічны апёк другой ступені грудной клеткі, твару і кісці левай рукі. Плошча апёку склала 37% цела. З цяжкімі цялеснымі пашкоджаннямі мужчына быў шпіталяваны ў Дзяржынскую цэнтральную раённую бальніцу.
Што стала прычынай сваркі і як можна было давесці сваю маці да такога стану, высветліць суд. Жанчына затрымана.
0
0
0
0
0
0