Заходнія журналісты Юліян Ропке і Чарльз Лістэр апублікавалі фотаздымкі калоны расійскай тэхнікі ў Сірыі недалёка ад Латакіі, у населеным пункце Шылфація.
У калоне прысутнічаюць расійскія КамАЗы, Уралы, БТР-80, а таксама 152-мм гаўбіца МСТА-Б. У той жа момант на тэхніцы цалкам адсутнічаюць якія-небудзь распазнавальныя знакі, што паказвалі б яе прыналежнасць да войскаў пэўнай краіны.
Таксама варта адзначыць, што ўзброеныя людзі на фатаграфіях апранутыя ў расійскі камуфляж, у тым ліку ў яго новую мадыфікацыю. Ёсць падставы меркаваць, што гэта менавіта расійскія вайскоўцы, якія накіроўваюцца на фронт.
Такім чынам, словы прэзідэнта РФ Уладзіміра Пуціна аб тым, што Расія не будзе браць удзел у наземнай аперацыі ў Сірыі, не пацвердзіліся.
