Найбуйнейшы торэнт-трэкер Расеі бестэрмінова заблакаваны рашэннем суда. Масгарсуд задаволіў пазоў выдавецтва «Эксмо» і прызнаў публікацыю шэрагу кніг на RuTracker.org незаконнай.
Рашэнне ўступіць у сілу праз 30 дзён.
RuTracker застанецца даступны ў Беларусі, Украіне, Нямеччыне, ЗША ды іншых краінах.
Калі вы шукаеце ўсяго Лема альбо ўсю дыскаграфію Metallica, то гэта магчыма толькі на rutracker-ы. Там унікальны кантэнт. Многія беларускія музыкі, напрыклад, v e g e t a b l e s, самі выкладвалі на рутрэкеры свае альбомы, каб павысіць аўдыторыю слухачоў.
Пытанне торэнт-трэкераў застаецца супярэчлівым як з пункту гледжання захавання аўтарскіх правоў, так і з гледзішча грамадскага інтарэсу. У большасці выпадкаў даступнасць твораў на трэкераў пазбаўляе аўтараў сродкаў для існавання, а выдавецтвы — даходаў.
