Суд Чыгуначнага раёну Гомеля пакараў моладзевага актывіста Андрэя Цянюту дзесяцьцю суткамі арышту. Хлопец быў затрыманы 20 сакавіка ў 19.50. Да Андрэя каля пад’езду ўласнага дому падышлі трое невядомых ў цывільным, адзін зь якіх паваліўся і пачаў крычаць, што нібыта яго зьбівае апазыцыянэр. Тут жа зьявіліся міліцыянты, якія затрымалі маладзёна і абвінавацілі яго ў дробным хуліганстве.

Цянюта ня першы гомельскі апазыцыянэр, які арыштаваны напярэдадні Дня Волі. На 14 сутак таксама быў арыштаваны Канстанцін Жукоўскі, які раздаваў паштоўкі ў гонар 90-годзьдзя абвяшчэньня незалежнасьці БНР на канцэрце NRM.

Андрэй Цянюта ў залі судовых паседжаньнях абвясьціў галадоўку ў знак пратэсту супраць незаконнага арышту.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру